SCIALPINISTICA Col Santo del 12/12/2010

Dopo le piovue e l ventàz dei ultimi dì, anca per el fatto che a nord el temp l'è ancor brutt (sennò... ghe sarìa polver), sto colp ne toca star en zona, e vist che l'Andrea nol l'ha ancor fat, torném a pestolar la zima pù alta de 3mbelem: el Col Sant (en realtà de Sant el g'ha bem poc, vist che l nome l'è la distorsiom del nome originale todesc Sand)... 7 e 1/2 al stadio de Roveredo e ne fiondém su per Giazzera alla fine dela strada a tirar for dall'auto i novi assotti del'Andrea (skitrab freerando!) con ATK, F1 e pèl de foca che, da tacaize che le è, no arivem neanca a stacarle che prima ancor de tacarle sule solette le è zà piene de foie... Ass ai pei e gh'è da nar! Ne enviém su per la forestale e ciapà la prima deviaziom a sinistra ne enfilem su per el senter delle Huell: bèl ert, ma ancoi riusim a farlo tutt sci ai pei. 200metri a testa bassa e saltém for sule malghe del Lancia, da qi, puntém alla lunghissima dorsale del Doss del'Anziana: l'è impressionante veder come ha laorà acqua e vent! No gh'è praticamente pù nef en zerti tòchi! Prai vegri pelai dal vent! L'Andrea coi novi asoti ai pei el vola, el Kepo ancoi, anca per via della rumba de Rotari e Braulio fatta ieri sera, enveze el ghe n'ha propri en goso... Travèrso a destra su ultime lengue de nef non sventae, e arrivai alla forcella a en tiro de sciòp dala cross ne spèta l'ultima tirada de n quart d'ora e... Berg Heil! Sém i primi ancoi en vetta, e per fortuna ancoi no gh'è neanca vent. Zò le pèl e per le 10, puntém i sci sul versante opposto vers el passo col col Santim, e da qi, la mpontém sull'ert fim al rifugio Lancia: nef giazada come l cemento con enfim la forma dei rivoi de acqua! Ha piovèst propri tant! De zerto, coi asoti novi e lamine che taia zò l Speck, l'Andrea el se la gode bem de pù la discesa. El rifugio diaolopo', ancoi l'è serà: niente birra! Ma na pausa bagigi la ghe stà tutta istess, anca perchè, vista l'ora, l'è en pecà tornar subit en val. Ripartim così per la forestale, masnada a blochi de giàz dal gat... che mazèl! La molo zò e zò a spazanef, sopratutto per evitar de tor sotto la tanta zent che ncrosém che è drio a vegnir su a pè adess (nfim el sindaco!), quindi, sci ai pei ala machina, ne resta da recuperar la birraccia...e vist che sona mezdì, arivai al bar de Moscheri (kepoluogo de Trembelem), na bona ciòpa de pam tiroles col Speck e la birraccia media nol ne la cava nesuni!






Saltém su ai baiti dal senter delle Hüll, e proseguim...
...dribblando anca macie de erba, sul lonc eterno Doss del'Anziana...quindi, passòt, la mpontém dritta a destra e...
Berg Heil!
La molém en velocità su nef giazada vers el passo tra Col Sant e Col Santin e...
...fata la pausa al rifugio Lancia (serà), ne speta la forestale giazada e masnada dal gat fim en Giazèra.


Ste pagine l'e' stae cargade volte da visitatori dal 3 de agost 2005